Канон святому священномученику киприану и святей мученице иустине. Молитва священномученику киприану и иустинии Православие канонник канон киприану и иустине

Песнь 1
Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

С премирными чинми ныне водворяяся, о священная и божественная главо, с Небесе призри на благочестно поющия тя и твоими молитвами сохраняй.

Во мраце неведения, преподобне, люте одержим и душегубными страстьми плоти невоздержанием ты разжигаем, преложение преславно обрел еси внезапу, всеблаженне.

Слава: Губителей убо на седалищи прежде, отче, седел еси и на седалищи пресвитеров паки Христа прославил еси, изменився явленно Владычнею Божественною благодатию.

И ныне: Дева по Рождестве пребыла еси: Самаго бо рождши Творца всех и Господа, необычно и странно нам явльшася телом, Богородительнице Мати Приснодево.

Песнь 3
Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение. Священномучениче Киприане и мученице Иустино, молите Бога о нас. Яко Павел, ко Христу душевную любовь преложив, Киприане всемудре, того ученик был еси.

Священномучениче Киприане и мученице Иустино, молите Бога о нас.

Обручает ти Христос, вместо риз страстных одеяние славы даруя и возрождения одежду.

Слава: Поустник постнический прежде бывый терпелив, послежде, Киприане всехвальне, свидетель Истины был еси.

И ныне: Господьственно и истинно Тя, Богородицу, вернии почитаем, Ты бо Бога родила еси, плоть бывша, Всенепорочная.

Седален

Наказан в прелести прилежно, яко Павел, зван бысть с Небесе, Крестом наставляем к свету знания, честныя бо девы любовию разжигаем, тоя ради сочетался еси Зиждителю человеков. Тем обличив немощь вражию, с нею сподобился еси лику мучеников, Киприане, архиереев удобрение, моли Христа Бога грехов оставление подати чествующим любовию святую память твою.

Слава, и ныне:

В напасти многоплетенныя впад от враг видимых и невидимых, бурею одержим безчисленных согрешений моих, и, яко к теплому заступлению и покрову моему, Чистая, ко пристанищу притекаю Твоея благости. Темже, Пречистая, из Тебе Воплощенному без семене молися прилежно о всех рабех Твоих, непрестанно молящихтися, Богородице Пречистая, молящи Его присно согрешений оставление даровати воспевающим достойно славу Твою.

Песнь 4
Вознесена Тя видевши Церковь на Кресте, Солнце праведное, ста в чине своем, достойно взывающи: слава силе Твоей, Господи.

Священномучениче Киприане и мученице Иустино, молите Бога о нас.

Возбнув, богогласе, от неистовства перваго, демонскую лесть и душетленную прелесть всю обличил еси и, радуяся, взывал еси: слава силе Твоей, Господи.

Священномучениче Киприане и мученице Иустино, молите Бога о нас.

Доблественно Иустина укрепляема и Чистую Деву и Обрадованную зело молящи, сетей избеже и козней же вражиих.

Слава: Укрепляема верою твоего Жениха и крестною силою одеяна, демоны неятна, вопиющи, пребыла еси: слава силе Твоей, Господи.

И ныне: Иже естеством свободен сый, образом раба обнища богатством благости, Мати Приснодево, из Тебе по Ипостаси все прием человечество.

Песнь 5
Ты, Господи, мой свет в мир пришел еси, Свет Святый, обращаяй из мрачна неведения верою воспевающия Тя. Священномучениче Киприане и мученице Иустино, молите Бога о нас. Поборницу имущи яве Чистую Богоматерь, обогащшися. Иустино, честное девство сохранила еси невредно.

Священномучениче Киприане и мученице Иустино, молите Бога о нас.

Одушевленный Христов и краснейший образ, почтим Иустину, сокровенную доброту и некрадомое возложение.

Слава: Невеста Христова присная и нескверная, страданием и пощением восприемши, праведно сугуб венец носит.

И ныне: Ум ангельский и человеческий не может сказати неизреченнаго и преславнаго чудесе Рождества Твоего, Всечистая.

Песнь 6
Пожру Ти со гласом хваления, Господи, Церковь вопиет Ти, от бесовския крове очищшися ради милости от ребр Твоих истекшею Кровию.

Священномучениче Киприане и мученице Иустино, молите Бога о нас.

Злобы дна преисподняго дошел еси, к крайнейшей же паки добродетели, отче, возшел еси на высоту, преславно изменився Божественным крещением.

Священномучениче Киприане и мученице Иустино, молите Бога о нас.

Был еси служитель демонов первее, но Христов богоявленный ученик показался еси, присною любовию желание возлюбив последнее.

Слава: Многая ты Владыце привел еси мученики, куплей величайшую являя, кровию малейшею Царство Небесное, богомудре, купити.
.И ныне: Расторгни моя пленицы согрешений, Богоневесто, греховнаго закона, Жизни законом свободу дарующи, Владыку закона рождшая.

Кондак
От художества волшебнаго обратився, богомудре, к познанию Божественному, показался еси миру врач мудрейший, исцеления даруя чествующим тя, Киприане со Иустиною, с неюже молися Человеколюбцу Владыце спасти души наша.

Икос
Целений твоих, святе, дарования мне низпослав, и недугующее мое сердце гноем греховным молитвами твоими исцели, яко да слово пения от скверных устен моих ныне принесу ти и воспою болезни твоя, яже показал еси, священномучениче, покаянием добрым и блаженным и Богу приближающимся. Того бо удержан рукою, направился еси, яко по лествице, к небесным, непрестанно моляся спасти души наша.

Песнь 7
Спасый во огни авраамския Твоя отроки и халдеи убив, яже правда праведно уловляше, препетый Господи, Боже отец наших, благословен еси.

Священномучениче Киприане и мученице Иустино, молите Бога о нас.

На священноначальство вшед, священнейший образ священноначальником себе и правило явил еси, взывая: препетый Господи, Боже отец наших, благословен еси.

Священномучениче Киприане и мученице Иустино, молите Бога о нас.

Живоначальныя тебе десницы истинно изменение, отче, нашедшее, мудра тя сотвори боговещателя, поюща: препетый Господи, Боже отец наших, благословен еси.

Слава: Оружие непобедимое нам на противнаго, блаженне, ты явился еси, того обличая лести, поющим: препетый Господи, Боже отец наших, благословен еси.

И ныне: Небеснии лицы и Пренебеснии собори песнословят из Тебе, Богородице, Рожденнаго, зовуще: препетый Господи, Боже отец наших, благословен еси.

Песнь 8
Веселися, Иерусалиме, торжествуйте, любящии Сиона: царствуяй бо во веки, Господь сил прииде. Да благоговеет вся земля от лица Его и да вопиет: благословите, вся дела Господня, Господа.

Священномучениче Киприане и мученице Иустино, молите Бога о нас.

Премудро еллинския мудрости небрегл еси, славне, апостолов же Божественное вещание, Духом бряцаемо, отче, и огненными языки ясно изглашаемо, вопиял еси: благословите, вся дела Господня, Господа.

Священномучениче Киприане и мученице Иустино, молите Бога о нас.

Востекл еси на высокая и премирная светло селения, Христу кровию, яко жертвою непорочною, приносим, отче, заколение живо, приятно и благоугодно, воспевая: благословите, вся дела Господня, Господа.

Слава: Побеждаеми от в тебе всельшияся благодати, демонстии полцы отгоняются и отбегают страсти недугующих, богомудре, вернии же Божественнаго света насыщаемся, вопиюще: благословите, вся дела Господня, Господа.

И ныне: Ликуют со ангельскими, Пречистая, силами о Рождестве Твоем, Богомати, и Богородицу верою Тя именующии: Ты бо Владыку и Избавителя нам родила еси, Емуже поем: благословите, вся дела Господня, Господа.

Песнь 9
Ева убо недугом преслушания клятву вселила есть, Ты же, Дево Богородице, прозябением чревоношения мирови благословение процвела еси, тем Тя вси величаем.

Священномучениче Киприане и мученице Иустино, молите Бога о нас.

Свыше нас, благочестно поющих тя, назираеши Божественною благодатию, твоими молитвами, богоглагольниче, и оружием благоволения венчавая, мир и спасение даруй нам, яко священноначальник божественнейший

Священномучениче Киприане и мученице Иустино, молите Бога о нас.

Течение исцелений обильно персть твоя любящим тя воздает; тебе же, Киприане, жены богоносны яко Божественно сокровище приемлют и усердно являют сокровеннаго, да вси тебе насладимся.

Слава: Направити наше ко Христу, пребогате, шествие деянием, и богоугодным житием, и чистейшим очищением сущо Божию тихость умоли, яко иерарх сострадательнейший

И ныне: Укрепи нашу душевную немощь, Богомати, силою Твоею, разреши тяготу, Пресвятая, налагаемую рабом Твоим, миру правды Солнце несказанно возсиявшая.

Кондак 1.

Избранный от диавольскаго служения на служение истинному Богу и к лику святых сопричтенный, священномучениче Киприане, моли Христа Бога избавитися нам от сетей лукаваго и победити мир, плоть и диавола, да зовем ти:

Икос 1 .

Ангельския силы удивишася, како от художества волшебнаго обратился еси, Богомудре Киприане, к познанию Божественному, покаянием обрел еси ангельское безстрастное житие. Мы же, обращению твоему дивящеся, вопием ти таковая:

Радуйся, обращением твоим Ангелов удививый;

Радуйся, лик святых возвеселивый.

Радуйся, мудрость свою показавый;

Радуйся, за Христа венец приявый.

Радуйся, яко тобою беси отгоняются;

Радуйся, яко тобою вся болезни исцеляются.

Радуйся, священномучениче Киприане, скорый помощниче и молитвенниче о душах наших!

Кондак 2 .

Видя Господь, како от лет малых отдан бысть Киприан нечестивыми родители на обучение демонскому служению, восхоте обратити его к Себе, да со Ангелы и всеми святыми воспевает: Аллилуиа!

Икос 2 .

Разум несовершен имея к вышнему разумению, усердно трудился еси, святе Киприане, изучая демонския лжехитрости, но, познав слабость бесовскую, яко тии боятся Христа, обратился еси к познанию Бога истиннаго. Темже убо тя величаем:

Радуйся, хитрости демонския препобедивый;

Радуйся, прелесть служения его обличивый.

Радуйся, змия лукаваго посрамивый;

Радуйся, христиан прославивый.

Радуйся, мудрых мира сего мудрейший;

Радуйся, разумных разумнейший.

Радуйся, священномучениче Киприане, скорый помощниче и молитвенннче о душах наших!

Кондак 3.

Сила Вышняго просвети ум твой, блаженне Киприане, егда, не успевше в чародействе против Иустины, беси рекоша тебе: мы боимся и трепещем силы Креста, имже отгоняет нас дева Иустина. Ты же отвещал еси: вы Креста боитеся, но Распятый на Кресте сильней Креста есть. Сего ради пришел еси в храм Господень пети со всеми верными: Аллилуиа!

Икос 3 .

Имея ум просвещен силою свыше, пришед Киприан к епископу просить крещения, обаче той, убоявся коварства волхва, отгна его. Киприан же тече в храм Господень, и тамо, литургии бывшей, внегда диакон возгласи: оглашенни, изыдите, рече: не изыду из Храма, дондеже прииму крещение. Мы же, твоему вразумлению радующеся, воспеваем ти таковая:

Радуйся, силою свыше просвещенный;

Радуйся, Господом вразумленный.

Радуйся, силу Креста познавый;

Радуйся, демонов от себя отгнавый.

Радуйся, жизнь свою исправивый;

Радуйся, стопы в Церковь направивый.

Радуйся, священномучениче Киприане, скорый помощниче и молитвенниче о душах наших!

Кондак 4.

Буря помышлений одержа Киприана, како прияти ему крещение. Темже убо прежде, взяв своя чародейския книги, принесе их на средину града и тамо пожже, поя Богу: Аллилуиа!

Икос 4.

Услышав епископ, яко имаши, всемудре, намерение благое быти христианин, крести тя и постави чтеца во храме. Сего ради вопием ти:

Радуйся, духов злобы победивый;

Радуйся, чародейския книги попаливый

Радуйся, быти христианин возжелавый;

Радуйся, Святое Крещение приявый.

Радуйся, день и нощь с покаянием к Богу взывавый;

Радуйся, епископом наставленный и чтецом во храме поставленный.

Радуйся, священномучениче Киприане, скорый помощниче и молитвенниче о душах наших!

Кондак 5.

Боготканную одежду Святаго Крещения прияв, Киприане всехвальне, тепле молился еси Богу о прощении грехов, прежде совершенных, от всех христиан воспевая Богу: Аллилуиа!

Икос 5.

Видев епископ подвиги и труды твоя, священномучениче Киприане, пост, многонощное бдение, коленопреклонение, покаяние, слезы, молитвы, и по испытании постави тя во диакона. Мы же, благодаряще Бога, восхваляем тя:

Радуйся, подвиги и добродетельми украсивыйся;

Радуйся, о прощении грехов моливыйся.

Радуйся, пример исправления показавый;

Радуйся, слезныя молитвы Господу приносивый.

Радуйся, путь ко спасению познавый;

Радуйся, пламенную любовь ко Христу явивый.

Радуйся, священномучениче Киприане, скорый помощниче и молитвенниче о душах наших!

Кондак 6.

Образом Благочестия христианскаго подражая деве Иустине, священномучениче Киприане, воистину христианин совершен явился еси, отклонил бо еси нечестивое учение, крестився, и усты своими и чистым сердцем благодарственно воспевал еси Богу: Аллилуиа!

Икос 6.

Возсия в сердце твоем свет Божественнаго совершенства, Богомудре Киприане, и достигл еси сана священника, послежде же и епископа. Молим тя, молитвами твоими просвети и наша сердца, тепле молящаяся тебе:

Радуйся, в сан епископа посвященный;

Радуйся, на высоту орла вознесенный.

Радуйся, граде, верху годы стояй;

Радуйся, светильниче, пред Богом горяй.

Радуйся, молитвенниче ко Христу неустанный;

Радуйся, учителю, Богом дарованный.

Радуйся, священномучениче Киприане, скорый помощниче и молитвенниче о душах наших!

Кондак 7.

Хотя Господь всем спастися, дарова нам сего молитвенника, заступника и целителя от духов злобы поднебесныя. Умением бо и словесы твоими, Богогласе, приводил еси многих к покаянию и исправлению греховныя жизни, научая всех пети Богу: Аллилуиа!

Икос 7.

Новый мудрейший врач показался еси миру, священномучениче Киприане, яко молитве твоей чародейския козни противостати не могут, абие разрушаются и прогоняются наведения злых человек и лукавых бесов. Мы же, видяще дарованную тебе Божию силу, вопием ти таковая:

Радуйся, волшебных козней разрушителю;

Радуйся, страшных бесов прогонителю.

Радуйся, от негоже дуси злобы, яко дым, исчезают;

Радуйся, тяжкомучимым скоро помогаяй.

Радуйся, от бед и скорбей избавляяй;

Радуйся, страдания в радость обращаяй.

Радуйся, священномучениче Киприане, скорый помощниче и молитвенниче о душах наших!

Кондак 8.

Странное чудо является притекающим к тебе с верою, священномучениче Киприане, ибо данною тебе от Бога благодатию беси изгоняются мучащии человека, больнии же исцеляются, взывающии Богу: Аллилуиа!

Икос 8.

Всем сердцем возвысивыйся к Богу, преславне, и всею душею Того возлюбивый, имел еси тщание и желание творити волю Его и, яко пастырь добрый, не отринул еси бедами отягощенных, но предстательствуеши в молитвах пред Богом, даруя нам исцеление и утешение. С ero ради, восхваляюще лювовь твою ко Господу, вопием ти сице:

Радуйся, всем сердцем Христа возлюбивый;

Радуйся, вся добродетели стяжавый.

Радуйся, недугующим и разслабленным вспоможение;

Радуйся, в скорбех и печалех утешение.

Радуйся, наветов и искушений, от мира, плоти и диавола находящих, прогонителю;

Радуйся, всех болезней душевных и телесных исцелителю.

Радуйся, священномучениче Киприане, скорый помощниче и молитвенниче о душах наших!

Кондак 9.

Все Ангельское воинство возвеселися, отче, видя тя, воина Царя Небеснаго, непоколебима и со дерзновением проповедующа Христа, егда веден был еси на мечное усечение вкупе с Иустиною. Ты же, болезнуя о ней, да не отречется от Христа, узревши тя усекнута, глагола ей: да усекнут прежде тя. И, преклонивше под меч главы своя, воспеша Богу: Аллилуиа!

Икос 9.

Витии многовещаннии не возмогут по достоянию страдания ваша за Христа воспети, яко не убоялися есте прещений лютых, но со светлыми лики предстали есте судилищу цареву, воздвизающе всех верных глаголати вам сицевая:

Радуйтеся, веры Христовы непоколебимии исповедницы;

Радуйтеся, Пресвятыя Троицы дерзновеннии проповедницы.

Радуйтеся, за Христа души своя положившии;

Радуйтеся, мучения лютая ни во что же вменившии.

Радуйтеся, яко страдания ваша верными прославляются;

Радуйтеся, яко имена ваша в храмех Божиих величаются.

Радуйся, священномучениче Киприане, скорый помощниче и молитвенниче о душах наших!

Кондак 10.

Спасти хотя души всех одержимых нечистыми духи, не престай взывати присно ко Господу, Киприане Богоглагольниче, тебе бо дадеся благодать молитися за ны, да помиловании и очищении, воспоем Богу: Аллилуиа!

Икос 10.

Стена тверда и крепкая ограда буди нам, священномучениче Киприане, с теплою верою и любовию к тебе прибегающим, ограждаеши бо от враг видимых и невидимых, избавлени тобою, прославим тя тако:

Радуйся, духа злобы смирением поведивый;

Радуйся, огнем молитвы стрелы вражия попаливый.

Радуйся, от врагов видимых и невидимых стено и ограждение;

Радуйся, Православныя Церкве преславное украшение.

Радуйся, оставленных врачи предивное поможение;

Радуйся, прелюбимое скорбящим утешение и увеселение.

Радуйся, священномучениче Киприане, скорый помощннче и молнтвенннче о душах наших!

Кондак 11.

Пение непрестанное Пресвятей Троице паче иных принесл еси, священномучениче Киприане, Иже милости ради к падшим грешником благоволи недостойным достойным стати и сочислитися святому стаду. Мы же, благодаряще Бога за таковую милость Его к нам, грешным, зовем Ему: Аллилуиа!

Икос 11.

Светозарная свеща был еси, Богомудре, в Церкви Христове, просвещая невещественным светом души верных. Молимся ти, просвети и наша грехми омраченная сердца, во еже пети тебе таковая:

Радуйся, Трисиянным Светом озаренный;

Радуйся, к сонму святых сопричтенный.

Радуйся, яко светом невещественным души верных просвещаеши;

Радуйся, яко заблуждших на путь правый наставляеши.

Радуйся, из рова погибели, яко овча, Спасителем изъятый;

Радуйся, бесов посрамление и человеком радование.

Радуйся, священномученнче Киприане, скорый помощниче и молитвенниче о душах!

Кондак 12.

Благодать дана ти от Бога попирати силу вражию и всякое сатанинское нахождение, победил со еси враги твоя и мученическим подвигом запечатлел еси веру во Христа. Ныне же, предстоя Престолу Царя славы, молися, Киприане всеблаженне, да избавимся от пленения диавольскаго и воскликнем Богу: Аллилуиа!

Икос 12.

Поюще твою верность по Бозе и дивная преславная чудеса, величаем и восхваляем тя, священномучениче Киприане, приял бо еси от Бога таковую благодать. Темже молим тя: егда в час смерти нашея демонская полчища обыдут души наши, яви нам заступление твое, да избавлении тобою, воззовем ти сице:

Радуйся, от находящих вражиих сил скорое защищение;

Радуйся, от всевозможных скорбей и печалей избавление.

Радуйся, Христа до конца возлюбивый;

Радуйся, душу свою за Него положивый.

Радуйся, в крови Агнчей омывыйся;

Радуйся, во дворех Господних вселивыйся.

Радуйся, священномучениче Киприане, скорый помощниче и молитвенниче о душах наших!

Кондак 13.

О пречудный и преславный угодниче Божий, священномучениче Киприане, скорый помощниче всем к тебе прибегающим, приими от нас, недостойных, хвалебное пение наше. Ей, молим тя, святителю, от многообразных недугов исцели, от враг видимых и невидимых заступи и вечнаго мучения избавитися нам Господа умоли, да с тобою воспеваем: Аллилуиа, Аллилуиа, Аллилуиа!

кондак 13 глаголи трижды. И паки чтется 1-й икос и 1-й кондак.

Молитва священномученику Киприану

О святый угодниче Божий, священномучениче Киприане, скорый помощниче и молитвенниче о всех к тебе прибегающих! Приими от нас, недостойных, Хваление сне; испроси у Господа Бога в немощах укрепление, в печалех утешение и всем вся полезная в жизни нашей; вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пленения диавольскаго и всякаго действа духов нечистых и укротит обидящих нас. Буди нам крепкий поборник на вся враги видимыя и невидимыя; подаждь нам терпение в искушениях и в час кончины нашея яви нам заступление от истязателей на воздушных мытарствех; да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.

Тропарь священномученику Киприану

Глас 4:

И нравом причастник,/ и престолом наместник апостолом быв,/ деяние обрел еси, Богодухновенне/ и видения восход:/ сего ради, слово истины исправляя,/ и веры ради пострадал еси даже до крове,/ священномучениче Киприане,/ моли Христа Бога/ спастися душам нашим.

Молитва от чародейства.

Господи Иисусе Христе, Сыне Божий, огради мя святыми Твоими Ангелы, молитвами Всепречистыя Владычицы нашея Богородицы и Приснодевы Марии, силою Честнаго и Животворящаго Креста, святаго архистратига Божия Михаила и прочих Небесных сил безплотных, святаго пророка, Предтечи и Крестителя Господня Иоанна, святаго Апостола и евангелиста Иоанна Богослова, священномученнка Киприана и мученицы Иустины, святителя Николая, Архиепископа Мир Ликийских, Чудотворца, святителя Льва, епископа Катанскаго, святителя Никиты Новгородскаго, святителя Иоасафа Белгородскаго, святителя Митрофана Воронежскаго, преподобнаго Сергия, игумена Радонежскаго, преподобных Зосимы и Савватия Соловецких, преподобнаго Серафима Саровскаго, чудотворца, святых мучениц Веры, Надежды, Любови и матери их Софии, святаго мученика Трифона, святых и праведных Богоотец Иоакима и Анны и всех святых Твоих, помози мне, недостойному рабу Твоему (имя молящагося), избави мя от всех навет вражиих, от всякаго зла, колдовства, волшебства, чародейства и от лукавых человек, да не возмогут они причинити мне никоего зла. Господи, светом Твоего сияния сохрани мя заутра и полудне, и вечер, и на сон грядущаго и силою Благодати Твоея отврати и удали всякая злая нечестия, дёйствуемая по наущению диавола. Аще кое зло замыслено или соделано есть, возврати его паки в преисподнюю. Яко Твое есть царство, и сила, и слава Отца и Сына и Святаго Духа. Аминь.

Стихиры честному животворящему Кресту.

Иже Крестом ограждаемы, врагу противляемся, не боящися того коварства и ловительства: яко бо гордый упразднися и попран бысть силою на Древе Распятаго Христа.

Крест Твой, Господи, освятися: тем бо бывают исцеления немощствующим грехми: сего ради к Тебе припадаем, помилуй нас.

Господи! Оружие на диавола Крест Твой дал еси нам: трепещет бо и трясется, не терпя взирати на силу его, яко мертвыя возставляет и смерть упраздни: сего ради покланяемся погребению Твоему и возстанию!

Тропарь, глас 4

И нравом причастник, / и престолом наместник апостолом быв, / деяние обрел еси, Богодухновенне, / в видения восход: / сего ради, слово истины исправляя, / и веры ради пострадал еси даже до крове, / священномучениче Киприане, / моли Христа Бога / спастися душам нашим.

Канон, Глас 4
Песнь 1

Ирмос: Моря чермную пучину / невлажными стопами / древний пешешествовав Израиль, / крестообразныма Моисеовыма рукама / Амаликову силу в пустыни победил есть.

Припев:

С Премирными чинми ныне водворяяся, о священная и Божественная главо, / с Небесе призри на благочестно поющия тя / и твоими молитвами сохраняй.
Во мраце неведения, преподобне, люте одержим / и душегубными страстьми плоти невоздержанием ты разжигаем, / преложение преславно обрел еси внезапу, всеблаженне.
Слава: Губителей убо на седалищи прежде, отче, седел еси / и на седалищи пресвитеров паки Христа прославил еси, / изменився явленно Владычнею Божественною благодатию.
И ныне: Дева по рождестве пребыла еси: / Самаго бо рождши Творца всех и Господа, / необычно и странно нам явльшася телом, / Богородительнице Мати Приснодево.

Песнь 3

Ирмос: Веселится о Тебе Церковь Твоя, Христе, зовущи: / Ты моя крепость, Господи, / и прибежище, и утверждение.

Припев: Священномучениче Киприане и мученице Иустино, молите Бога о нас.

Яко Павел, ко Христу / душевную любовь преложив, Киприане всемудре, / того ученик был еси.
Обручает ти Христос, / вместо риз страстных одеяние славы даруя / и возрождения одежду.
Слава: Поустник постнический прежде бывый терпелив, / послежде, Киприане всехвальне, / свидетель Истины был еси.

И ныне: Господьственно и истинно Тя, Богородицу, вернии почитаем, / Ты бо Бога родила еси, / плоть бывша, Всенепорочная.

Господи, помилуй (трижды)

Наказан в прелести прилежно, / яко Павел, зван бысть с Небесе, / Крестом наставляем к свету знания, / честныя бо девы любовию разжигаем, / тоя ради сочетался еси Зиждителю человеков. / Тем обличив немощь вражию, / с нею сподобился еси лику мучеников, / Киприане, архиереев удобрение, / моли Христа Бога грехов оставление подати / чествующим любовию святую память твою.

Слава, и ныне, Богородичен: В напасти многоплетенныя впад / от враг видимых и невидимых, / бурею одержим безчисленных согрешений моих, / и, яко к теплому заступлению и покрову моему, Чистая, / ко пристанищу притекаю Твоея благости. / Темже, Пречистая, из Тебе Воплощенному без семене / молися прилежно о всех рабех Твоих, / непрестанно молящихтися, Богородице Пречистая, / молящи Его присно согрешений оставление даровати / воспевающим достойно славу Твою.

Песнь 4

Ирмос: Вознесена Тя видевши Церковь на Кресте, / Солнце праведное, / ста в чине своем, / достойно взывающи: / слава силе Твоей, Господи.

Припев: Священномучениче Киприане и мученице Иустино, молите Бога о нас.

Возбнув, Богогласе, от неистовства перваго, / демонскую лесть и душетленную прелесть всю обличил еси и, радуяся, взывал еси: / слава силе Твоей, Господи.
Доблественно Иустина укрепляема / и Чистую Деву и Обрадованную зело молящи, / сетей избеже и козней же вражиих.
Слава: Укрепляема верою твоего Жениха / и Крестною силою одеяна, / демоны неятна, вопиющи, пребыла еси: / слава силе Твоей, Господи.
И ныне: Иже естеством свободен сый, / образом раба обнища богатством благости, Мати Приснодево, / из Тебе по Ипостаси все приемь человечество.

Песнь 5

Ирмос: Ты, Господи, мой свет, / в мир пришел еси. / Свет Святый, обращаяй из мрачна неведения / верою воспевающих Тя.

Припев: Священномучениче Киприане и мученице Иустино, молите Бога о нас.

Поборницу имущи яве Чистую Богоматерь, обогащшися, Иустино, / честное девство сохранила еси невредно.
Одушевленный Христов и краснейший образ, / почтим Иустину, / сокровенную доброту и некрадомое возложение.

Слава: Невеста Христова присная и нескверная, / страданием и пощением восприемши, / праведно сугуб венец носит.
И ныне: Ум Ангельский и человеческий не может сказати / неизреченнаго и преславнаго чудесе Рождества Твоего, / Всечистая.

Песнь 6

Ирмос: Пожру Ти со гласом хваления, Господи, / Церковь вопиет Ти, / от бесовския крове очищшися, / ради милости от ребр Твоих / истекшею Кровию.

Припев: Священномучениче Киприане и мученице Иустино, молите Бога о нас.

Злобы дна преисподняго дошел еси, / к крайнейшей же паки добродетели, отче, / возшел еси на высоту, / преславно изменився Божественным Крещением.
Был еси служитель демонов первее, / но Христов Богоявленный ученик показался еси, / присною любовию желание возлюбив последнее.
Слава: Многия ты Владыце привел еси мученики, / куплей величайшую являя, / кровию малейшею Царство Небесное, Богомудре, купити.
И ныне: Расторгни моя пленицы согрешений, Богоневесто, греховнаго закона, / Жизни законом свободу дарующи, / Владыку закона рождшая.

Господи, помилуй (трижды) Слава, и ныне:

От художества волшебнаго обратився, Богомудре, / к познанию Божественному, / показался еси миру врач мудрейший, / исцеления даруя чествующим тя, Киприане со Иустиною: / с неюже молися Человеколюбцу Владыце / спасти души наша.
Икос: Целений твоих, святе, дарования мне низпослав, / и недугующее мое сердце гноем греховным / молитвами твоими исцели, / яко да слово пения от скверных устен моих ныне принесу ти / и воспою болезни твоя, яже показал еси, священномучениче, / покаянием добрым и блаженным и Богу приближающимся. / Того бо удержан рукою, / направился еси, яко по лествице, к Небесным, / непрестанно моляся спасти души наша.

Песнь 7

Ирмос: Спасый во огни Авраамския Твоя отроки / и, халдеи убив, / яже правда праведно уловляше, / препетый Господи, / Боже отец наших, благословен еси.

Припев: Священномучениче Киприане и мученице Иустино, молите Бога о нас.

На священноначальство вшед, / священнейший образ священноначальником себе и правило явил еси, взывая: / препетый Господи, Боже отец наших, благословен еси.
Живоначальныя тебе десницы истинно изменение, отче, нашедшее, / мудра тя сотвори Боговещателя, поюща: / препетый Господи, Боже отец наших, благословен еси.

Слава: Оружие непобедимое нам на противнаго, блаженне, ты явился еси, / того обличая лести, поющим: / препетый Господи, Боже отец наших, благословен еси.

И ныне: Небеснии лицы и Пренебеснии собори / песнословят из Тебе, Богородице, Рожденнаго, зовуще: / препетый Господи, Боже отец наших, благословен еси.

Песнь 8

Ирмос: Веселися, Иерусалиме, торжествуйте, любящии Сиона: / царствуяй бо во веки, Господь Сил прииде. / Да благоговеет вся земля от Лица Его / и да вопиет: / благословите, вся дела Господня, Господа.

Припев: Священномучениче Киприане и мученице Иустино, молите Бога о нас.

Премудро еллинския мудрости небрегл еси, славне, / апостолов же Божественное вещание, Духом бряцаемо, отче, / и огненными языки ясно изглашаемо, вопиял еси: / благословите, вся дела Господня, Господа.
Востекл еси на высокая и премирная светло селения, / Христу кровию, яко жертвою непорочною, приносим, отче, / заколение живо, приятно и благоугодно, воспевая: / благословите, вся дела Господня, Господа.

Слава: Побеждаеми от в тебе всельшияся благодати, / демонстии полцы отгоняются и отбегают страсти недугующих, Богомудре, / вернии же Божественнаго света насыщаемся, вопиюще: / благословите, вся дела Господня, Господа.

И ныне: Ликуют со Ангельскими, Пречистая, силами о Рождестве Твоем, Богомати, / и Богородицу верою Тя именующии: / Ты бо Владыку и Избавителя нам родила еси, Емуже поем: / благословите, вся дела Господня, Господа.

Песнь 9

Ирмос: Ева убо недугом преслушания / клятву вселила есть, / Ты же, Дево Богородице, / Прозябением чревоношения мирови благословение процвела еси, / тем Тя вси величаем.

Припев: Священномучениче Киприане и мученице Иустино, молите Бога о нас.

Свыше нас, благочестно поющих тя, назираеши Божественною благодатию, / твоими молитвами, Богоглагольниче, и оружием благоволения венчавая, / мир и спасение даруй нам, / яко священноначальник божественнейший.
Течение исцелений обильно персть твоя любящим тя воздает; / тебе же, Киприане, жены Богоносны яко Божественно сокровище приемлют / и усердно являют сокровеннаго, / да вси тебе насладимся.

Слава: Направити наше ко Христу, пребогате, шествие деянием, / и Богоугодным житием, и чистейшим очищением / сущо Божию тихость умоли, яко иерарх сострадательнейший.

И ныне: Укрепи нашу душевную немощь, Богомати, силою Твоею, / разреши тяготу, Пресвятая, налагаемую рабом Твоим, / миру правды Солнце несказанно возсиявшая.

В волхвах несосужденна и единаго пребольша, / пременшаго нрав и попалившаго книги, наставляющия ко прелести, / и свидетельства венец страннолепно приемшаго, / Киприана похвалим, страдальцев зерцало.
Слава, и ныне: Древле божества надеждею прельстивый мя злокозненный, / плотным предложением премудренно паки прельщается от Девы Возсиявшаго; / и сице осуждение плотное плотию разрешися, / смерти умертвившейся.

О святый угодниче Божий, священномучениче Киприане, скорый помощниче и молитвенниче о всех к тебе прибегающих! Приими от нас, недостойных, хваление сие; испроси у Господа Бога в немощех укрепление, в печалех утешение и всем вся полезная в жизни нашей; вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пленения диаволъскаго и всякаго действия духов нечистых и укротит обидящих нас.

Буди нам крепкий поборник на вся враги видимыя и невидимыя; подаждь нам терпение в искушениих и в час кончины нашея яви нам заступление от истязателей на воздушных мытарствех; да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.

О святии священномучениче Киприане и мученице Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе.

Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас, недостойных (имя рек). Будите нам заступницы крепции, да заступлением вашим сохраняеми невредимы от бесов, волхвов и от человек злых пребудем, славяще Святую Троицу, Отца и Сына и Святаго Духа, ныне и присно, и во веки веков. Аминь.

Канон Священномученику Киприану и Мученице Иустине

Тропарь, глас 4

И нравам Апостольским сопричастником / и престола их наследником став, / делами ты, богодухновенный, / восхождения к созерцанию достиг; / потому слово истины право возвещая, / ты за веру пострадал до крови, / священномученик Киприан, / ходатайствуй пред Христом Богом / о спасении душ наших.

Канон, Глас 4
Песнь 1

Ирмос: Моря Красного пучину / не омоченными стопами / перейдя, древний Израиль, / крестообразно распростертыми Моисеевыми руками / Амаликово войско в пустыне в бегство обратил.

Припев:

С надмiрными полками ныне водворяясь, / о священная и божественная глава, / воззри с небес на воспевающих тебя с верою / и твоими ходатайствами их сохраняй.
Во мраке неведения удерживаемый крепко, / и по невоздержанности плоти / душегубительными страстями разжигаемый, / ты (преподобный), перемену преславную / обрел внезапно, всеблаженный.
Слава: На седалище губителей / сидел ты, прежде, отче, / но на седалище пресвитеров Христа затем прославил, / изменившись явственнейшим образом / Всевышнего Божественною благодатию.
И ныне: Девою Ты после родов пребыла: / ибо родила Самого всех Творца и Бога, / необычайно и дивно нам явившегося в теле, / Божия Родительница, Матерь-Приснодева!

Песнь 3

Ирмос: Веселится о Тебе Церковь Твоя, Христе, взывая: / "Ты моя крепость, Господи, / и прибежище, и утверждение!"

Припев: Священномученик Киприан и мученица Иустина, молите Бога о нас.

Как Павел, ненависть ко Христу / на душевную любовь переменив, / ты, Киприан всемудрый, / учеником Его соделался. Обручает тебя Христос, / вместо риз страстных / одеяние славы даруя / и возрождения одежду.
Слава: Бывший сперва наставником подвижничества терпеливым, / впоследствии, ты, Киприан всехвальный, / свидетелем Истины соделался.
И ныне: Законно и истинно / мы, верные, Тебя Богородицей почитаем; / ибо родила Ты Бога, / ставшего плотью, Всенепорочная.

Господи, помилуй (трижды)

Седален, глас 8. Подобен: Премудрости:
Наставленный тщательно в искусстве обольщения, / ты как Павел, призван был с небес, / Крестом направляем к свету знания; / ибо любовью к досточтимой деве разжигаясь, / из-за нее с Создателем всего творения сочетался. / Потому, восторжествовав над немощью врага, / ты с нею сподобился соединиться с хором мучеников. / Киприан, священнейший, / ходатайствуй пред Христом Богом / да подаст Он отпущение грехов / чествующим с любовию святую память твою.
Слава, и ныне, Богородичен: В напасти хитросплетенные впав / от врагов видимых и невидимых, / я охвачен бурею бесчисленных согрешений моих, / и, как к горячему заступничеству и покрову моему, Чистая, / прибегаю ко пристанищу Твоей благости. / Потому, Пречистая, из Тебе Воплотившегося без семени / моли прилежно о всех рабах Твоих, / непрестанно Тебе молящихся, Богородица Пречистая, / прося Его всегда согрешений отпущение даровать / воспевающим достойно славу Твою.

Песнь 4

Ирмос: Вознесенным увидев на Кресте, / Тебя, Солнце правды, / стала Церковь на месте своем, достойно взывая: / "Слава силе Твоей, Господи!"

Припев: Священномученик Киприан и мученица Иустина, молите Бога о нас.

Воспрянув, богопросвещенный, от прежнего безумия, / над всем демонским обольщением и душепагубным обманом / ты восторжествовал и, радуясь, взывал: / "Слава силе Твоей, Господи!"
Иустина, доблестно укрепляясь / и усердно Деву чистую и благодатную моля, / избежала сетей и козней вражьих.
Слава: Укрепляемая верою в твоего Жениха / и Креста силою облеченная, / ты демонам неподвластной пребыла, взывая: / "Слава силе Твоей, Господи!"
И ныне: Тот, Кто по естеству Своему свободен, / обнищал до образа раба по богатству благости, / по Ипостаси все человеческое приняв / от Тебя, Матерь-Приснодева.

Песнь 5

Ирмос: Ты, Господи мой, светом в мир пришел, / светом святым, от мрака неведения обращающим / с верою воспевающих Тебя.

Припев: Священномученик Киприан и мученица Иустина, молите Бога о нас.

Защитницей имея явно Чистую Богоматерь, / ты, Иустина, тем обогатившись, / сохранила драгоценное девство невредимым.
Иустину - образ Христов / одушевленный и прекраснейший почтим, / сокровенную красоту и нерасхищаемое Богу приношение.
Слава: Невеста Христова верная и непорочная, / страданием и постом двойной венец приобретя, / справедливо его носит.
И ныне: Ум ангельский и человеческий не может изъяснить / неизреченного и предивного чуда / рождения Тобою Господа, Всечистая.

Песнь 6

Ирмос: "Принесу Тебе жертву / со гласом хвалебным, Господи", / Церковь взывает Тебе, / от бесовской крови очистившись / по милосердию из ребр Твоих / истекшею кровию.

Припев: Священномученик Киприан и мученица Иустина, молите Бога о нас.

До глубочайшего дна порока ты дошел, / но затем к совершеннейшей добродетели, / восшел ты, отче, на высоту, / предивно изменившись Божественным крещением.
Был ты прежде демонов служителем, / но впоследствии явился Христовым богопросвещенным учеником, / с расположением душевным возлюбив / предел всех желаний.
Слава: Многих мучеников ты привел к Владыке, богомудрый, / куплей величайшей объявляя / возможность самой малой кровью / Царство Небесное купить.
И ныне: Расторгни моих согрешений узы, Божия Невеста, / от закона греха свободу даруя законом жизни, / Владыку закона родившая!

Господи, помилуй (трижды) Слава, и ныне:

Кондак, глас 1. Подобен: Лик Ангельский:
От волшебного искусства обратившись, богомудрый, / к познанию Божественному, / явился ты миру врачом мудрейшим, / исцеления даруя чествующим тебя, Киприан, со Иустиною; / с нею молись Человеколюбивому Владыке / о спасении душ наших.
Икос: Исцелений твоих, святой, / дарования мне ниспослав, / и сердце мое, гноем греховным недугующее, / молитвами твоими исцели, / чтобы я слово пения от скверных уст моих / ныне мог принести тебе / и воспел страдания твои, / которые ты явил, священномученик, / покаянием добрым, и блаженным, / и к Богу приближающим. / Ибо поддерживаемый рукой Его, / направился ты, как по лестнице, к небесному, / непрестанно молясь о спасении душ наших.

Песнь 7

Ирмос: Спасший в огне чад Авраама, Твоих отроков, / и Халдеев истребивший тем, / чем они неправедно / уловить праведных пытались, / прехвальный Господи, Боже отцов, / благословен Ты!

Припев: Священномученик Киприан и мученица Иустина, молите Бога о нас.

На служение священноначалия взойдя, / в себе священнейшее правило и образ / явил ты священноначальникам, взывая: / "Прехвальный Господи, Боже отцов наших, / благословен Ты!"
Живоначальной десницею истинное изменение, / в тебе, отче, проявившееся, / и соделало, мудрый Киприан, богопроповедником тебя, поющего: / "Прехвальный Господи, Боже отцов наших, / благословен Ты!"
Слава: Оружием непобедимым против губителя, / ты явился нам блаженный, / выставляя на позор его обольщения поющим: / "Прехвальный Господи, Боже отцов наших, / благословен Ты!"
И ныне: Высшие небес хоры и сонмы на небесах, / в песнях славят от Тебя, Богородица, Рожденного, взывая: / "Прехвальный Господи, Боже отцов наших, / благословен Ты!"

Песнь 8

Ирмос: Возвеселись Иерусалим, / восторжествуйте любящие Сион! / Ибо Господь Сил пришел, / Царствующий вовеки; / да благоговеет вся земля пред лицом Его / и да взывает: / "Все творения, воспевайте Господа!"

Припев: Священномученик Киприан и мученица Иустина, молите Бога о нас.

Премудро эллинскими мудростями ты, славный, пренебрег, / гласом же апостолов Божественным, / вызываемым бряцанием Духа, отче, / и огненными языками ясно изрекаемым, взывал: / "Благословляйте, (все) творения (Господни), Господа!" Взошел ты весело / к высоким и надмiрным обителям, / Христу приносимый, отче, кровию своею, / как жертва непорочная, заклание живое, / приятное и благоугодное, и воспевал: / "Благословляйте, (все) творения (Господни), Господа!"
Слава: Побеждаемые в тебя вселившеюся благодатию, / полки демонов отгоняются / и отбегают страдания недужных, (богомудрый) [Киприан]; / мы же, верные, божественным светом насыщаемся, взывая: / "Благословляйте, (все) творения (Господни), Господа!"
И ныне: Ликуют, Чистая, с Ангельскими Силами о рождестве Твоем, / те, кто с верою Тебя Божьей Матерью и Богородицею объявляют: / ибо Ты Владыку и Искупителя нам родила. / Ему мы поем: / "Благословляйте, (все) творения (Господни), Господа!"

Песнь 9

Ирмос: Ева недугом ослушания / на нас проклятие навлекла; / Ты же, Дева Богородица, / отпрыском Твоего чревоношения, / мiру благословение произвела. / Потому мы все Тебя величаем.

Припев: Священномученик Киприан и мученица Иустина, молите Бога о нас.

Нас, благоговейно воспевающих тебя, / ты посещаешь свыше божественною благодатию, / твоими мольбами, (богословесный) [Киприан], / и, как оружием, благоволением венчаешь; / мир и спасение даруй нам, / как иерарх богодухновеннейший!
Исцелений поток прах твой, (Киприан), / являет любящим тебя обильно; / ибо жены богоносные тебя / принимают как божественное сокровище / и охотно являют сокровенное, / дабы мы все могли тобою насладиться.
Слава: Направь шествие наше, всеблаженный, ко Христу, / деянием, и житием богоугодным / и совершеннейшим очищением, / испрашивая истинно Божественную тишину, / как иерарх сострадательнейший.
И ныне: Укрепи немощь наших душ / силою Твоею, Богоматерь, / ослабь, Пресвятая, мощь налегающих на рабов Твоих / Солнце правды мiру несказанно явившая.

Светилен. Подобен: Жены, услышите:

Среди магов одного не сравнимого ни с кем и наибольшего, / переменившего нрав и спалившего книги, / направляющие к обольщению, / и мученичества венец дивным образом принявшего, / Киприана восхвалим, страдальцев зеркало!*
Слава, и ныне: В древности надеждою стать божеством / обольстивший меня зловредный, / ныне премудро обольщается / предложением плоти Воссиявшего от Девы; / и так осуждение плоти плотию упразднено, / когда умерщвлена была смерть.*

Молитва священномученику Киприану

О святой угодник Божий, священномученик Киприан, скорый помощник и молитвенник о всех, к тебе прибегающих. Прими от нас недостойных хваление наше и испроси нам у Господа Бога в немощах укрепление, в болезнях исцеление, в печалях утешение и всем - всё полезное в жизни нашей. Вознеси ко Господу исполненную благости и силы твою молитву, да оградит Он нас от падений наших греховных, да научит нас истинному покаянию, да избавит нас от пленения диавольского и всякого воздействия духов нечистых, и защитит от обижающих нас.

Будь нам крепким помощником против всех врагов видимых и невидимых, в искушении подай нам терпение и в час кончины нашей яви нам защиту от истязателей на воздушных мытарствах наших, да ведомые тобою, достигнем Горнего Иерусалима и сподобимся в Небесном Царстве со всеми святыми славить и воспевать Всесвятое имя Отца и Сына и Святого Духа во веки веков. Аминь.

Молитва святым Киприану и Иустине

О святые священномученик Киприан и мученица Иустина! Внемлите смиренному молению нашему. Ведь хотя вы временное житие ваше мученичеством за Христа окончили, но духом от нас не отступаете, всегда по заповедям Господним шествовать нас научая и крест свой терпеливо нести нам помогая.

Вот, вы дерзновение пред Христом Богом и Пречистою Его Матерью стяжали, потому и ныне будьте молитвенниками и ходатаями за нас, недостойных (имена). Будьте нам заступниками крепкими, дабы заступничеством вашим сохраняемые, мы без вреда от бесов, волхвов и от злых людей пребудем, славя Святую Троицу: Отца и Сына и Святого Духа, ныне и всегда, и во веки веков. Аминь.

Глас 4.

Песнь 1

Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

Припев:

Священномучениче Киприане и мученице Иустино, молите Бога о нас.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Священномучениче Киприане и мученице Иустино, молите Бога о нас.

Яко Павел, ко Христу душевную любовь преложив, Киприане всемудре, того ученик был еси.

Священномучениче Киприане и мученице Иустино, молите Бога о нас.

Обручает ти Христос, вместо риз страстных одеяние славы даруя и возрождения одежду.

Слава: Поустник постнический прежде бывый терпелив, послежде, Киприане всехвальне, свидетель Истины был еси.

Седален, глас 8.

Слава, и ныне: В напасти многоплетенныя впад от враг видимых и невидимых, бурею одержим безчисленных согрешений моих, и, яко к теплому заступлению и покрову моему, Чистая, ко пристанищу притекаю Твоея благости. Темже, Пречистая, из Тебе Воплощенному без семене молися прилежно о всех рабех Твоих, непрестанно молящихтися, Богородице Пречистая, молящи Его присно согрешений оставление даровати воспевающим достойно славу Твою.

Песнь 4

Ирмос: Вознесена Тя видевши Церковь на Кресте, Солнце праведное, ста в чине своем, достойно взывающи: слава силе Твоей, Господи.

Священномучениче Киприане и мученице Иустино, молите Бога о нас.

Доблественно Иустина укрепляема и Чистую Деву и Обрадованную зело молящи, сетей избеже и козней же вражиих.

Песнь 5

Ирмос: Ты, Господи, мой свет в мир пришел еси, Свет Святый, обращаяй из мрачна неведения верою воспевающия Тя.

Священномучениче Киприане и мученице Иустино, молите Бога о нас.

Поборницу имущи яве Чистую Богоматерь, обогащшися. Иустино, честное девство сохранила еси невредно.

Священномучениче Киприане и мученице Иустино, молите Бога о нас.

Одушевленный Христов и краснейший образ, почтим Иустину, сокровенную доброту и некрадомое возложение.

Слава: Невеста Христова присная и нескверная, страданием и пощением восприемши, праведно сугуб венец носит.

Песнь 6

Ирмос: Пожру Ти со гласом хваления, Господи, Церковь вопиет Ти, от бесовския крове очищшися ради милости от ребр Твоих истекшею Кровию.

Священномучениче Киприане и мученице Иустино, молите Бога о нас.

Слава: Многая ты Владыце привел еси мученики, куплей величайшую являя, кровию малейшею Царство Небесное, богомудре, купити.

И ныне: Расторгни моя пленицы согрешений, Богоневесто, греховнаго закона, Жизни законом свободу дарующи, Владыку закона рождшая.

Кондак, глас 1.

От художества волшебнаго обратився, богомудре, к познанию Божественному, показался еси миру врач мудрейший, исцеления даруя чествующим тя, Киприане со Иустиною, с неюже молися Человеколюбцу Владыце спасти души наша.

Икос

Целений твоих, святе, дарования мне низпослав, и недугующее мое сердце гноем греховным молитвами твоими исцели, яко да слово пения от скверных устен моих ныне принесу ти и воспою болезни твоя, яже показал еси, священномучениче, покаянием добрым и блаженным и Богу приближающимся. Того бо удержан рукою, направился еси, яко по лествице, к небесным, непрестанно моляся спасти души наша.

Песнь 7

Ирмос: Спасый во огни авраамския Твоя отроки и халдеи убив, яже правда праведно уловляше, препетый Господи, Боже отец наших, благословен еси.

Священномучениче Киприане и мученице Иустино, молите Бога о нас.

И ныне: Небеснии лицы и Пренебеснии собори песнословят из Тебе, Богородице, Рожденнаго, зовуще: препетый

Господи, Боже отец наших, благословен еси.

Песнь 8

Ирмос: Веселися, Иерусалиме, торжествуйте, любящии Сиона: царствуяй бо во веки, Господь сил прииде. Да благоговеет вся земля от лица Его и да вопиет: благословите, вся дела Господня, Господа.

Священномучениче Киприане и мученице Иустино, молите Бога о нас.

Песнь 9

Ирмос: Ева убо недугом преслушания клятву вселила есть, Ты же, Дево Богородице, прозябением чревоношения мирови благословение процвела еси, тем Тя вси величаем.

Священномучениче Киприане и мученице Иустино, молите Бога о нас.

Канон свщм.Киприану и мчц.Иустине

Тропарь и кондак св.Священномученику

Киприану и св. мученице Иустине.

И нравом причастник и престолом наместник апостолом быв, деяние обрел еси богодухновенне в видения восход: сего ради слово истины исправляя, и веры ради, пострадал еси даже до крове. Священномучениче Киприане и мученице Иустино молите Христа Бога спастися дупщм нашим.

Кондак.

От художества волшебнаго обратився, Богомудре, к познанию Божественному, показался еси миру врач мудрейший, исцеления даруя чевствующым тя, Киприане со Иустиною: с неюже молися Человеколюбцу Владыце, спасти души наша.

КАНОН

св. священномученику Киприану и св. мученице Иустине.

Глас 4. Песнь 1.

ИРМОС: Моря чермную пучину/ невлажными стопами/ древний пешешествовав Израиль,/ крестообразныма Моисеовыма рукама/ Амаликову силу в пустыни победил есть.

ПРИПЕВ: Святии Священномученицы: Киприане и Иустино, молите Бога о нас.

С премирными чинми ныне водворяйся, о священная и божественная главо, с небесе призри на благочесто поющия тя и твоими молитвами сохраняй.

Во мраце неведения, преподобне люте одержим и душегубными страстьми плоти невоздержанием ты разжигаем, преложение преславно обрел еси внезапу, всеблаженне.

Слава: Губителей убо на седалищи прежде, отче, седея еси и на седалищи пресвитеров паки Христа прославил еси, изменився явленно Владычнею Божественною благодатию.

Песнь 3.

ИРМОС: Веселится о Тебе Церковь Твоя, Христе, зовущш/ Ты моя крепость, Господи,/и прибежище, и утверждение.

Яко Павел, ко Христу душевною любовь преложив, Киприане всемудре, того ученик был еси.

Обручает ти Христос, вместо риз страстных одеяние славы даруя и возрождения одежду.

Слава: Поустник постнический прежде бывый терпелив, послежде, Киприане всехвальне, свидетель Истины был еси.

Седален, глас 8.

Слава и ныне:

В напасти многоплетенныя впад от враг видимых и невидимых, бурею одержим безчисленных согрешений моих, и, яко к теплому заступлению и покрову моему, Чистая, ко пристанищу притекаю Твоея благости. Темже, Пречистая, из Тебе Воплощенному без Семене молися прилежно о всех рабех Твоих, непрестанно молящихтися, Богородице Пречистая, молящи Его присно согрешений оставление даровати воспевающим достойно славу Твою.

Песнь 4.

ИРМОС: Вознесенна Тя видевши Церковь на Кресте,/ Солнце праведное,/ ста в чине своем,/ достойно взывающи:/ слава силе Твоей, Господи.

Восставше, богогласе, от неистовства перваго, демонскую лесть и душетленную прелесть всю обличил еси и, радуяся, взывал еси: слава силе Твоей, Господи.

Доблественно Иустина укрепляема и Чистую Деву и Обрадованную зело молящи, сетей избеже и козней же вражиих.

Слава: Укрепляема верою твоего Жениха, и крестною силою одеяна, демонами не взята, вопиющи, пребыла еси: слава силе Твоей, Господи.

Пернь 5.

ИРМОС: Ты, Господи, мой свет/ в мир пришел еси,/ Свет Святый, обращаяй из мрачна неведения/ верою воспевающия Тя.

Поборницу имущи яве Чистую Богоматерь, обогащшися, Иустино, честное девство сохранила еси невредно.

Одушевленный Христов и краснейший образ, почтим Иустину, сокровенную доброту и некрадомое возложение.

Слава: Невеста Христова присная и нескверная, страданием и пощением восприемши, праведно сугуб венец носит.

Песнь 6.

ИРМОС: Пожру Ти со гласом хваления, Господи,/ Церковь вопиет Ти,/ от бесовския крове очищшися/ ради милости от ребр Твоих/ истекшею Кровию.

Злобы дна преисподняго дошел еси, и краснейшей же паки добродетели, отче, возшел еси на высоту, преславно изменився Божественным крещением.

Был еси служитель демонов первее, но Христов богоявленный, ученик показался еси, присною любовию желание возлюбив последнее.

Кондак, глас 1.

От художества волшебнаго обратився, богомудре, к познанию Божественному, показался еси миру врач мудрейший, исцеления даруя чевствующим тя, Киприане со Иустиною, с неюже молися Человеколюбцу Владыце спасти души наша.

Икос:

Песнь 7.

ИРМОС: Спасый во огни авраамския Твоя отроки/ и халдеи убив,/ яже правда праведно уловляше,/ препетый Господи, / Боже отец наших, благословен еси.

И ныне: Небеснии лицы и пренебеснии собори песнословят из Тебе, Богородице, Рожденнаго, зовуще: препетый Господи, Боже отец наших, благословен еси.

Песнь 8.

ИРМОС; Веселися, Иерусалиме, / торжествуйте, любящий Сиона:/ царствуяй бо во веки, Господь сил прииде./ Да благоговеет вся земля от лица Его/ и да вопиет:/ благословите, вся дела Господня, Господа.

Востекл еси на высокая и премирная светло селения, Христу кровию, яко жертвою непорочною, приносим, отче, заколение живо, приятно и благоугодно, воспевая: багословите, вся дела Господня, Господа,

И ныне: Ликуют со ангельскими, Пречистая, силами о Рождестве Твоем, Богомати, и Богородицу верою Тя именующий: Ты бо Владыку и Избавителя нам родила еси, Ему же поем: благословите, вся дела Господня, Господа.

Песнь 9.

ИРМОС: Ева убо недугом преслушания / клятву вселила есть,/ Ты же, Дево Богородице,/ Прозябенивм чревоношения/ мирови благословение процвела еси,/ тем Тя вси величаем.

Слава: Направити наше ко Христу, пребогате, шествие деянием, и богоугодным житием, и чистейшим очищением поистине Божию тихость умоли, яко иерарх сострадательнейший.

Светилен.

В волхвах несосужденна и единаго пребольша, пременшаго нрав и попалившего книги, наставляющия ко прелести, и свидетельства венец страннолепно приемшаго, Киприана похвалим, страдальцев зерцало.

Слава, и ныне.

Древле божества надеждею прельстивый мя злокозненный, плотским предложением премудренно паки прельщается от Девы Возсиявшаго; и сице осуждение плотское плотию разрешися, смерти умертвившейся.

МОЛИТВЫ

Об умножении любви, искоренении всякой

ненависти и всякой злобы.

Тропарь, глас 4.

Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

Кондак, глас 5.

Пламенем любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию возлюбим Тя, и искренняго своего яко себе, и повеления Твоя храняще славим Тя, всех благ Дателя.

О ненавидящих и обидящш нас.

Тропарь, глас 4.

О распенших Тя моливыйся, любодушне Господи, и рабом твоим о вразех молитися повелевый, ненавидящих и обидящих нас прости, и от всякого зла и лукавства к братолюбному и добродетельному настави жительству, смиренно мольбу Тебе приносим; да в согласном единомыслии славим Тя, Единаго Человеколюбца.

Кондак, глас 5.

Якоже первомученик Твой Стефан о убивающих его моляше Тя, Господи, и мы припадающе молим, ненавидящих и обидящих нас прости, во еже не единому от них нас ради погибнути, но всем спастися благодатию Твоею, Боже всещедрый.

МОЛИТВЫ

во время бедствия и при нападении врагов.

Тропарь, глас 4,

Скоро предвари, прежде даже не поработимся врагом хулящим Тя и претящим нам, Христе Боже наш: погуби Крестом Твоим борющия нас, да уразумеют, како может православных вера, молитвами Богородицы, Едине Человеколюбче.

Кондак, глас 8.

Возбранный Воеводо и Господи, ада Победителю! Яко избавлься от вечныя смерти, похвальная восписую Ти, создание и раб Твой; но яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.

Псалом 90.

Живый в помощи Вышняго, в крове Бога небеснаго водворится, речет Господеви: заступник мой еси и прибежище мое, Бог мой и уповаю на Него. Яко Той избавит тя от сети ловчи и от словесе мятежна: плещма Своима осенит тя, и под криле Его надеешися: оружием обыдет Тя истина Его. Не убоишися от страха нощнаго, от стрелы, летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тьма одесную тебе, к тебе же не приближится. Обаче очима Твоима смотриши и воздаяние грешников узриши. Яко Ты, Господи, упование мое: Вышняго положил еси прибежище Твое. Не приидет к тебе зло и рана не приближится телеси твоему; яко Ангелом Своим заповесть о тебе, сохранити тя во всех путех твоих. На руках возмут тя, да некогда преткнеши о камень ногу твою: на аспида и василиска наступиши, и попереши льва и змия. Яко на Мя упова, и избавлю и, покрыю и, яко позна имя Мое. Воззовет ко Мне и услышу его: с ним есмь в скорби, изму его и прославлю его: долготою дний исполню его и явлю ему спасение Мое.

МОЛИТВЫ

для защиты от нечистой силы.

Тропарь, глас 1.

Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

Кондак, глас 4.

Вознесыйся на Крест волею, тезоименитому Твоему новому жительству щедроты Твоя даруй, Христе Боже: возвесели нас силою Твоею, победы дая нам на супостаты, пособие имущим Твое, оружие мира, непобедимую победу.

Молитва для защиты от нечистой силы.

Господи Иисусе Христе, Сыне Божий, огради мя святыми Твоими Ангелами и молитвами Всепречистыя Владычицы нашея Богородицы и Приснодевы Марии, Силою Честнаго и Животворящаго Креста, святаго Архистратига Божия Михаила и прочих Небесных сил безплотных, святаго Пророка и Предтечи Крестителя Господня Иоанна, святаго Апостола и Евангелиста Иоанна Богослова, священномученика Киприана и Мученицы Иустины, святителя Николая архиепископа Мир Ликийских чудотворца, святителя Льва епископа Катанскаго; святителя Иоасафа Белгородского, святителя Митрофана Воронежскаго, преподобного Сергия игумена Радонежского, преподобного Серафима Саровского чудотворца, святых мучениц Веры, Надежды, Любови и матери их Софии, святых и праведных Богоотец Иоакима и Анны и всех святых Твоих, помоги мне, недостойному рабу Твоему (имя молящегося), избави мя от всех навет вражиих, от всякаго колдовства, волшебства, чародейства и от лукавых человек, да не возмогут они причинить мне некоего зла. Господи, светом Твоего сияния сохрани мя на утро, на день, на вечер, на сон грядущий, и силою Благодати Твоея отврати и удали всякия злые нечестия, действуемые по наущению диавола. Кто думал и делал - верни их зло обратно в преисподнюю, яко Твое есть Царство и Сила, и Слава, Отца, и Сына, и Святаго Духа. Аминь.